Le Pen: Shqiptarëve nuk duhet t’ju jepet azili

Marine Le Pen, një nga pretendentet kryesore për t’u bërë presidente e Francës në zgjedhjet e këtij viti, ka cilësuar shqiptarët si kërkuesit në numrin më të madh të azilkërkuesve në vendin e saj.

Udhëheqëse e Frontit Nacional, një partie të skajit të djathtë, ajo është një nga zërat kryesorë kundër emigracionit të huaj në Francë.

“Kërkuesit më të mëdhenj të azilit janë shqiptarë; as që duhet t’i pranojmë kërkesat e tyre”, tha ajo gjatë një interviste në emisionin “Bourdin Direct”, me gazetarin francez Zhan Zak Burden, transmeton illyriapress.com.

Le Pen ka shqetësuar shumë vëzhgues të politikës për shkak të lidhjeve të saj të pazakonta me Vladimir Putinin e Rusisë, armiqësisë së saj ndaj Bashkimit Evropian, e paragjykimeve të forta ndaj myslimanëve pa asnjë kriter.

Mirëpo, në një epokë dyndjesh emigracioni nga Lindja e Mesme, Azia dhe Afrika si dhe pas një numër sulmesh terroriste në tokën franceze, e gërshetuar me krizat greke e britanike në BE, Fronti Nacional po kthehet nga një parti e parëndësishme në një konkurrente serioze për postin më të lartë të vendit.

 

albania.eu.com Reviewed by albania.eu.com on . Le Pen: Shqiptarëve nuk duhet t’ju jepet azili Le Pen: Shqiptarëve nuk duhet t’ju jepet azili Rating: 5.0
Albania News Agency Online - Albania Portal me lajme shqip 2017!